Lles Dynol - ond dim ond os yw’n cynnwys, yn achosi neu’n gallu achosi colli bywyd dynol, salwch neu anaf dynol, digartrefedd, difrod i eiddo, tarfu ar gyflenwad arian, bwyd, dŵr, ynni neu danwydd, tarfu ar system gyfathrebu, amharu ar gyfleusterau trafnidiaeth neu amharu ar wasanaethau sy'n ymwneud ag iechyd.

Yr Amgylchedd - ond dim ond os yw'n ymwneud ag achosion neu y gallai achosi halogiad tir, dŵr neu aer â deunydd biolegol, cemegol neu ymbelydrol niweidiol, neu ddinistrio neu amharu ar fywyd planhigion neu fywyd anifeiliaid.

Diogelwch y DU - os yw'n ymwneud â rhyfel neu derfysgaeth sy'n bygwth niwed difrifol i ddiogelwch y Deyrnas Unedig.

DIFFINIAD O DDIGWYDDIAD O BWYS 

Digwyddiad o bwys yw unrhyw ddigwyddiad sy’n gofyn am weithredu trefniadau arbennig gan un neu fwy o’r gwasanaethau brys, rhai elfennau o’r Gwasanaeth Iechyd Gwladol, neu awdurdod lleol ar gyfer:

Triniaeth gychwynnol, achub a chludo nifer fawr o anafusion;

Cynnwys nifer fawr o bobl yn uniongyrchol neu'n anuniongyrchol;

Ymdrin â nifer fawr o ymholiadau, i'r heddlu fel arfer, sy'n debygol o ddod wrth y cyhoedd a'r cyfryngau newyddion;

Adnoddau dau neu fwy o'r gwasanaethau brys ar raddfa fawr;

Symud a threfnu’r gwasanaethau brys a sefydliadau cefnogi, er enghraifft, awdurdod lleol, i ddarparu ar gyfer bygythiad o farwolaeth, anaf difrifol neu ddigartrefedd i nifer fawr o bobl.